მუსიკოსი მაიკლ ბაბლი და მისი არგენტინელი მეუღლე ლუისანა ლოპილატო პირველ შვილს 
ელოდებიან. ეს სასიხარულო ამბავი ლუისანამ ფანებს ვიდეოს საშუალებით გაუმხილა. "Mike, Lu and
… mini Bublé!! We’re having a baby Bublé!” ჯერჯერობით ბავშვის სქესი უცნობია. 



37 წლის კანადელმა მაიკლმა და 25 წლის მსახიობმა/მომღერალმა ლუისანამ ერთმანეთი არგენტინაში, ერთ-ერთ წვეულებაზე გაიცნეს, სადაც მაიკლი საპატიო სტუმრის სახით იყო მიწვეული. მას შემდეგ წყვილს ხშირად აფიქსირებდნენ ერთად. 2009 წელს ისინი დაინიშნენ, ხოლო 2011 წლის მარტში კი შეუღლება გადაწყვიტეს. 

მაიკლმა ერთ-ერთ ინტერვიუში განაცხადა: ‘მილიონჯერ მითქვამს ლუისანასთვის, რომ ძალიან მინდა გვყავდეს ბავშვები. თუმცა, ასევე ვეუბნები, რომ ეს მოხდება მაშინ, როდესაც თვითონ იქნება მზად. იგრძნობს, რომ საკმარისად გაერთო ცხოვრებაში და მიაღწია დასახულ მიზანებს. ყველა ჩემს მეგობარს შვილი ჰყავს და როდესაც ერთ-ერთი მათგანი მეუბნება იცი რა, შენ გახდები ბიძა ერთის მხრივ მახარებს ეს, ხოლო მეორეს მხრივ კი ვეჭვიანობ.’

ლუისანას კი სულ ცოტა ოთხი შვილის ყოლა სურს. მოდით, მათ ბედნიერება 
ვუსურვოთ და გადავხედოთ მათი თანაცხოვრების ამსახველ კადრებს.