როგორ შევარჩიოთ სწორად თმის ფერი - რჩევები მათთვის, ვინც თმის ფერის შეცვლა გადაწყვიტა

ყოველთვის გახსოვდეთ: ქერად შეღებილ თმას განსაკუთრებული მოვლა სჭირდება! თმის ძირები ყოველ 2 კვირაში უნდა შეიღებოთ. ქერა თმაზე ამოზრდილი შავი თმის ძირები უსიამოვნო სანახავია და ასეთი ქალები ყველაზე ხშირად ხდებიან მამაკაცების დაცინვის ობიექტები. 

მოემზადეთ სტერეოტიპებთან ბრძოლისათვის! თქვენ მიიქცევთ მამაკაცთა ყურადღებას, მაგრამ შესაძლებელია, ადვილად ხელმისაწვდომად და არასერიოზულად ჩაგთვალონ.

თქვენ შეგიძლიათ გახდეთ შავგვრემანი, თუ...

თქვენი თმა რუხი ტონებისკენ იხრება. თუ გიჭირთ ზუსტად განსაზღვროთ ფერი, შეიღებეთ წაბლისფრად. წაბლისფერი თმა განსაკუთრებით მუქ კანს და ყავისფერ თვალებს უხდება. თუ თქვენ ლურჯი ან მწვანე თვალები გაქვთ და ღია ფერის კანი, მუქი თმა იმ შემთხვევაში მოგიხდებათ, თუ თქვენი თმის ნატურალური ფერი მიდრეკილია გამუქებისაკენ. 

თუ 1 ან 2 ტონით გაიმუქებთ თმას, ეს სიკაშკაშესა და ექსტრავაგანტურობას შეგმატებთ. კიდევ ერთი წესი - მუქი ფერი ხშირ და ჯანმრთელ თმას უხდება. თხელ თმაზე მუქი ფერი ცუდად გამოიყურება. მუქი თმა კიდევ იმითაა კარგი, რომ ძირების ხშირ შეღებვას არ საჭიროებს.

კიდევ ერთი უპირატესობა: თქვენი თვალები უფრო გამოკვეთილი გახდება, ხოლო კბილები უფრო თეთრად გამოჩნდება. ამასთანავე, თავისუფლად შეძლებთ მკვეთრი მაკიაჟის გამოყენებას, რაც ქერებს ვულგარულობას მატებს.

თუ გსურთ თქვენს თმას მისცეთ ქერა ეფექტი ამისათვის საჭიროა 1 სუფრის კოვზი ლიმონი შეურიოთ თბილ წყალს, გადაივლეთ თავზე და თმა მოათავსეთ მზეზე ნახევარი საათის განმავლობაში ან გვირილის ნახარშში შეურიეთ კვლავ ლიმონის წვენი, რომელიც უნდა გადაივლოთ თავზე დაბანის შემდეგ. ეს პროცედურები გაიმეორეთ რამდენიმე კვირის განმავლობაში და თქვენ აუცილებლად შენიშნავთ ფერის ცვლილებას.

ხოლო თუ გსურთ თმას უფრო მუქი ეფექტი მისცეთ, მაშინ დაბანის შემდეგ თმაზე რამდენჯერმე
გადაივლეთ შავი ჩაის ნაყენი ან ყავა. ასევე შავი ჩაის ნაყენის აბაზანა ტანისთვის რუჟის გამოკვეთაში დაგეხმარებათ.

ეს შედეგი (ჩაი) დროებითია, განსხვავებით პირველი რეცეპტი - ლიმნის წვენის სავლების ეფექტისგან.

ასე რომ გისურვებთ წარმატებას